Black Ghost Sunburst með fjaðurvæng og JC Án efa ein besta straumfluga allra tíma. Black Ghost veiðir allt. Fyrir um 40 árum var Black Ghost hnýtt á stóran straumflugukrók eða laxaeinkrækju einhver skæðasta flugan fyrir lax í haustveiðinni í Vatnsdalsá. Black Ghost er hönnuð 1927 af Herbert L. Welch. Var flugunni ætlað að líkja eftir sílum. Í þessari útfærslu má segja að Black Ghost sé klassísk en seinni árin hafa komið allskyns tilbrigði við þessa frábæru flugu. Hún er stundum hnýtt með kanínuskinnræmu í væng í staðinn fyrir hanahálsfjöður, bæði óþyngd en einnig þyngd með ýmist kúlu eða keilu. Þá eru til afbrigði þar sem hönnuðir leika sér með liti svo sem „sunburst“ og „olive“ liti í væng. Hér er uppskrift þessarar mögnuðu flugu Krókur – Legglangur Kamasan eða Ahrex krókkur í stærðum 2 til 10Þráður – Svartur Classic Waxed Thread 6/0Stél – Nokkrar gullitaðar fanir úr hanafjöðurVöf – Ávalt UNI silfur tinsel (upphaflega var notað flatt silfurtinsel)Búkur – Svart UNI flosSkegg – Sama efni og í stéliVængur – Tvær hvítlitaðar söðulbakfjaðrir af hanaKinnar – Frumskógarhanafjaðrir (Jungle Cock)Haus – Svartur
